Останато | ’Црвено-жолтите’ одново напредуваа едно место на ФИФА ранкингот, Македонија се најде на 82. позиција на мартовската листа...



Победата над Летонија остварена минатата недела на Арената Филип Втори помогна фудбалската репрезентација на Македонија да продолжи да напредува на ФИФА ранг листата.
 
Во мартовското издание, ’Црвено Жолтите’ одново забележаа скок од едно место и се најдоа на 82. позиција со 421 поени.
 
На врвот на листата нема промени, Шпанија и понатаму владее пред Германија, Аргентина, Португалија и Колумбија.
 
Уругвај напредуваше една позиција на сметка на Швајцарија, Италија и Бразил ги задржаа своите позиции, додека пак Белгија го истисна својот сосед Холандија од топ десет.

Извор: 24FUDBAL.com.mk