Андреи Аршавин вели дека играњето во Премиер лигата е многу потешко отколку што очекувал.

Рускиот интернационалец од Зенит се пресели во Арсенал и брзо ги придоби симпатиите на фановите на лондонскиот тим.

Но, Аршавин вели дека во Премиер лигата е многу потешко да се игра отколку што тој очекувал.

"Пред да дојдам во Премиер лигата мислев дека ако си добар фудбалер и ако играш за голем тим ќе биде полесно" - изјави Аршавин за Sky Sports News.

"Но и кога играш против Барнли или Волвс не е лесно - немаш време да се свртиш или да направиш некој дриблинг, доколку два пати ја допреш топката треба да бидеш среќен".

Аршавин се надева дека Арсенал ќе биде сериозен конкурент за титулата во Англија, но вели дека не смеат да дозволат да губат многу бодови.

"Имавме шанси да бидеме многу блиску до врвот но не ги искористивме, па малку сум разочаран".

"Но, сега победуваме и сме во трката за титулата, но не смееме да губиме бодови".

Аршавин има само пофални зборови за Венгер.

"Тој дава слобода, бара од мене да играм онака како што гледам на теренот".

Рускиот фудбалер е среќен поради тоа што стана миленик на фановите.

"Среќен сум, понекогаш мислам дека тие ме сакаат повеќе и од мојата жена" - заврши Аршавин.

Powered by: 24 FUDBAL.com.mk