МЕНИ

Лига на Шампиони | Диего Симеоне смета дека за елиминација на Милан, клучно е неговиот тим да одигра добро во средниот ред...

Атлетико Мадрид го пречекува Милан со предност од 1-0 остварена во првиот натпревар кој се одигра на Сан Сиро.

Диего Симеоне има високо мислење за Росоњерите и вели дека клучно да не се дозволи отворена игра на теренот.

„Во овие натпревари играат големи фудбалери. Милан има многу добри играчи, и можеме да го очекуваме само најдоброто од нив" - вели Симеоне.

„Балотели е доминантен играч, но Милан е опасен од сите страни. Марио е опасен, но потребни му се фудбалерите околу него".

„Резултатот од првиот натпревар значи дека Милан ќе мора да се обиде да постигне гол. Ние треба да ги запреме и да го контролираме натпреварот".

„Интензитетот во средниот ред ќе биде клучен. Доколку не сме добро заштитени во средината, ќе имаме отворен натпревар, а тоа е подобро за нив".

„Мораме да го контролираме средниот ред и да не дозволиме да имаат премногу простор".

„Тие се напаѓачки тим и ние мора да ги сопреме нивните брзи фудбалери. Доколку не успееме да го контролираме тоа, ќе настрадаме".