Останато | Според анализата на порталот Goal.com, Кристијано Роналдо е најбогатиот фудбалер во светот со проценето богатство од 148 милиони евра...
Тронот претходно му припаѓаше на Дејвид Бекам, но откако Англичанецот стави крај на својата фудбалска кариера во мај, поранешната ѕвезда на Манчестер Јунајтед и Реал Мадрид повеќе не е на листата.
Нов лидер е Кристијано Роналдо, чие богатство се проценува на 148 милиони евра.
На втората позиција е неговиот голем ривал Лео Меси, имотот на Аргентинецот е проценет на два милиони помалку, односно 146 милиони евра.
Во топ три најбогати фудбалери е и Самуел Ето, Камерунецот има богатство од 85 милиони евра.
Контроверзниот трансфер на Нејмар во Борселона придонесе Бразилецот да направи огромен скок на листата и да се најде помеѓу десетте најбогати фудбалери.
Во анилизата во предвид се земени и 40 милиони евра исплатени на компанијата N&N, па Нејмар заедно со родителите има богатство од околу 80 милиони евра.
Десетте најбогати фудбалери според Goal.com:
1. Кристијано Роналдо (Реал Мадрид) 148€ милиони
2. Лео Меси (Барселона) 146€ милиони
3. Самуел Ето (Челзи) 85€ милиони
4. Вејн Руни (Манчестер Јунајтед) 84€ милиони
5. Кака (Милан) 82€ милиони
6. Нејмар и родителите (Барселона) 80€ милиони
7. Роналдињо (Атлетико Минеиро) 78€ милиони
8. Златан Ибрахимовиќ (ПСЖ) 69€ милиони
9. Џиџи Буфон (Јувентус) 63€ милиони
10. Тјери Анри (Њу Јорк Ред Булс) 57€ милиони
Извор: 24FUDBAL.com.mk
