МЕНИ

Англија | Жозе Мурињо верува дека Манчестер Сити и Арсенал можат да ги поминат Барса и Баерн Минхен и да се пласираат меѓу осумте најдобри во Лигата на Шампионите...

Арсенал со 2-0 загуби од Баерн Минхен на Емирати стадионот, со истиот резултат Манчестер Сити беше поразен од Барселона на Етихад.

Мурињо верува дека двете екипи имаат шанси за прогрес, но Арсенал се соочува со многу потежок предизвик за разлика од Сити.

„Дали Сити може да победи во Барселона? Барселона загуби од Ваљадолид. Загуби дома од Валенсија. Па, зошто Сити не би можел да победи?" - вели Мурињо.

„Арсенал кај Баерн, дали можат да победат 2-0 и да играат продолженија? Тешко. Премногу тешко, но можат".

На Жозе Мурињо му одговара ривалите со кои се бори за титулата во Премиер лигата да имаат повеќе натпревари, тој ја истакнува позицијата на Ливерпул.

„Кога зборуваме за Лигата на Шампионите и трката за тутулата, треба да зборуваме за Ливерпул".

„Од почетокот на сезоната тие играат по еден натпревар неделно. Одмараат, се подготвуваат, се рехабилитираат, се подготвуваат, играат, имаат одмор. Тоа е голема, голема, голема предност".