Германија | рансфер целта на Манчестер Јунајтед, Тони Крос признава дека неговата иднина во Баерн е под знак прашалник, фудбалерот е отворен за преселба на ’Островото’...



Репрезентативецот на ’Панцирите’ е обврзан кон ’Баварците’ до 2015, и на почетокот од годинава го одби предлогот за продолжување на договорот.
 
Манчестер Јунајтед сакаше да ја искористи ваквата ситуација, но обидот за ангажман на Тони Крос во јануари беше неуспешен.
 
Се говори дека ’Црвените Ѓаволи’ летоска ќе достават нова понуда за услугите на Германецот, кој сега вели дека Премиер лигата е опција за него.
 
Зборувајќи на денешната прес-конференицја во пресрет на реваншот со Арсенал во Лигата на Шампионите, Тони Крос рече: „Сеуште не сум донел одлука за мојата иднина”.
 
„Но не е тајна дека Премиер лигата е опција за мене”.
 
Запрашан дали би можел да се пресели во клуб кој следната сезона нема да игра во најелитното европско натпреварување, фудбалерот одговори: „Ќе ги разгледам сите понуди, доколку заминам од Баерн”.
 
„Дури и од оние тимови кои следната сезона нема да играат во Лигата на Шампионите”.

Извор: 24FUDBAL.com.mk