Ѕвездата на Милан, Роналдињо се надева дека ќе биде дел од селекцијата на Бразил која ќе настапи на Светското првенство во Јужна Африка.

Роналдињо го загуби своето место во бразилската репрезентација откако падна во формата по доаѓањето од Барса во Милан.

Сепак игрите во оваа сезона наговестуваат дека Роналдињо полека се враќа во форма, тој вели дека ќе продолжи да напредува и по Нова Година.

"Годината која е при крајот беше позитивна за мене и за Милан, но 2010 ќе биде уште подобра" - вели Роналдињо.

"Вистина е дека се надевам дека ќе бидам дел од Светското првенство, но не сакам да бидам таму поради моите изјави".

"Сакам да докажам со моите фудбалски способности дека заслужувам место во репрезентацијата".

"Сакам да играм најдобро колку што можам во Серија А и Лигата на Шампионите, Милан и во двете натпреварувања ќе биде конкурентен до самиот крај" - заврши Роналдињо.

Powered by: 24 FUDBAL.com.mk