Утринските весници во Италија пишуваат дека Интер ќе биде следната дестинација на Горан Пандев.

Горан Пандев ќе биде новото засилување на Интер, вака пишуваат италијанските медиуми.

Нашиот фудбалер е пред комплетирање на договор со италијанскиот шампион.

И покрај интересот од бројни клубови, меѓу кои и Јувентус и Милан, Пандев ќе биде новиот фудбалер на Интер.

Информациите велат дека Пандев ќе има медицински тестови на 28ми или 29ти декември по што ќе го потпише договорот со Интер.

Се дознава дека Пандев и Интер веќе постигнале договор и остануваат уште некои ситни детали да се договорат за неговиот трансфер да стане и официјален.

Договорот кој ќе го потпише Пандев би требало да биде со траење до 2013 или 2014 година.

Платата на нашиот фудбалер треба да изнесува нешто помалку од 3 милиони фунти во првата сезона, а во наредните години би се зголемувала.

Медиумите пишуваат и дека Масимо Морати е подготвен да му понуди на позајмица неколку фудбалери на Лацио, како гест на добра волја иако нема никаква обврска кон римскиот клуб.

Горан Пандев ќе биде добредојден за Жозе Мурињо во јануарскиот преоден рок кога Интер ќе остане без Самуел Ето.

Предност е и тоа што нашиот фудбалер ќе може да настапува во Лигата на Шампионите.

Powered by: 24 FUDBAL.com.mk