Англија | Според пишувањата на шпанскиот весник El Confidencial, ’Граѓаните’ се подготвени да платат фантастични 200 милиони евра за ангажман на Лео Меси...
Претседателот на Барселона, Хосеп Мариа Бартомеу вчера истакна дека Лео Меси не е на продажба, и најави дека летоска Аргентинецот ќе добие нов договор со кој ќе стане најплатениот фудбалер во светот.
Но и покрај ваквиот став на ’Каталонците’, денешното издание на El Confidencial вели дека по крајот на сезоната, на Камп Ноу ќе пристигне мега понуда од Манчестер Сити за услугите на напаѓачот.
Весникот вели дека ’Граѓаните’ помогнати од големото богатство на сопственикот Мансур бин Зајед Ал Нахјан, ќе понудат фантастични 200 милиони евра.
Тимот од Етихад Стадионот ќе биде дарежлив и кога се во прашање примањата на играчот, Лео Меси ќе добие договор со плата од 25 милиони евра по сезона.
El Confidencial пренесува дека лидерите на Манчестер Сити веќе стапиле во контакт со таткото на фудбалерот, Хорке Меси и го известиле за намерата да потрошат мало богатство за да дојдат до услуги на неговиот син.
Весникот додава дека ситуацијата на Аргентинецот ја следи и шампионот на Франција, ПСЖ.
Тимот од Париз исто така остварил контакт со таткото на Меси, ’Светците’ ставиле јасно до знаење дека нема да штедат пари доколу им се укаже шанса да стигнат до потписот на напаѓачот.
Извор: 24FUDBAL.com.mk
