Англија | Арсенал соопшти дека Џек Вилшер ќе мора да паузира најмалку шест недели поради микро фрактура на левото стапало...



Фудбалерот од средниот ред се пожали на повреда по еден опасен старт на Даниел Агерн на вчерашниот пријателски натпревар помеѓу Англија и Данска.
 
Откако доби третман од лекарскиот тим, Џек Вилшер продолжи да игра и на теренот помина еден час.
 
По крајот на средбата, самиот играч истакна дека се е во ред со него и првичните тестови не покажале посериозна повреда.
 
Сепак, Арсенал попладнево соопшти дека деталните прегледи сепак покажале микро фрактура на левото стапало, па Џек Вилшер ќе биде надвор од стројот најмалку шест недели.
 
„Џек Вилшер заработи микро фрактура на левото стапало” – гласеше известувањето на ’Топџиите’.
 
„Ќе му бидат потребни шест недели за рехабилитација”.
 
Арсен Венгер сигурно ќе биде разочаран од ваквите вести, пред Арсенал следи најтешкиот период од сезоната, во кој ’Топџиите’ ќе одиграат неколку големи натпревари во краток временски период.

Извор: 24FUDBAL.com.mk