Англија | Талентираниот дефанзивец на Фрајбург, Матијас Гинтер вели дека сонува за настап во еден од топ клубовите во Европа...



Младинскиот репрезентативец на ’Панцирите’ важи за еден од најперспективните играчи во Бундеслигата, и подолго време е следен од Баерн Минхен и Борусија Дортмунд.
 
Според медиумите од ’Островото’ и Германија, во трката за неговиот потпис сега се приклучува и Манчестер Јунајтед.
 
Менаџерот на ’Црвените Ѓаволи’, Дејвид Мојс минатата недела беше на Олимпискиот Стадион во Берлин за да го проследи дуелот помеѓу Херта и Фрајбург, и се говори дека главна причина за ваквото патување бил 20 годишниот Матијас Гинтер.
 
Во разговор за SPORT1, дефанзивецот одбива да говори за сопствената иднина, но признава дека сонува за настап во голем клуб.
 
„Не сакам јавно да говорам за преговорите” – рече Гинтер.
 
„Но дефинтивно е убаво да се знае дека големи клубови се интересираат за моите услуги. Чест ми е што моето име се поврзува со вакви гиганти”.
 
„Мојата цел е во иднина да играм за голем клуб. Тоа не е тајна”.

Извор: 24FUDBAL.com.mk