Јужна Америка | Поранешниот аргентински репрезентативец, Ектор Енрике вели дека Лео Меси никогаш нема да биде како Марадона за кој смета дека е најдобар на сите времиња...



Меси четири пати по ред ја освојуваше Златната Топка, па според многумина тој може да биде сметан за најдобар фудбалер на сите времиња.
 
Сепак, 58-годишниот Ектор Енрике кој заедно со Марадона играше во репрезентацијата на Аргентина, вели дека што и да направи Меси, никогаш нема да биде како Диего.
 
„Меси нема се што имаше Марадона. Го сакам Меси и би бил среќен доколку мојот син игра како само еден процент од можностите на Меси, но Марадона беше единствен" - смета Енрике.
 
„Никогаш повторно нема да има фудбалер како Марадона, и да освои три Светски првенства по ред или да постигне гол со ножички од центар, Меси нема да биде како Марадона".
 
„Марадона и Меси имаат различни карактери на теренот. Диего зрачеше со самодоверба и влијаеше сите ние да играме подобро. Меси исто така има влијание, но не како Марадона".

Извор: 24FUDBAL.com.mk