МЕНИ

Англија | Жозе Мурињо вели дека Манчестер Сити е фаворит за трофејот во Премиер лигата, бидејќи Челзи треба да чека кикс на Граѓаните кои ја имаат судбината во своите раце...

Челзи е лидер на табелата во Премиер лигата со по четири бода предност во однос на Ливерпул и Арсенал, и шест пред Манчестер Сити.

Но тимот на Пелегрини има два натпревари помалку, па со победа во заостанатите дуели би се израмнил бодовно со Челзи но поради далеку подобрата гол разлика би бил лидер на табелата.

„Преферирам да ја имам судбината во мои раце, но таа е во рацете на Манчестер Сити" - вели Мурињо.

„Доколку ние ги добиеме сите натпревари до крајот на сезоната, сите десет, што е невозмно, би можеле и во таков случај да не бидеме шампиони".

„Доколку Сити ги добие сите 12 кои ги има, тие ќе бидат шампиони. Тие ја имаат судбината во нивни раце".

Жозе Мурињо образложи и зошто Самуел Ето не беше во составот на Челзи за дуелот со Фулам.

„Нема ништо лошо со Ето. Мислам дека овој тип на натпревари, гостување кај тимови кои нормално играат дефанзивно и агресивно, повеќе му одговараат на Торес, и доколку треба да ризикувам во случај на негатива, би го користел Демба Ба".

„Ето постигнува голови, но тоа го прави на домашен терен. Постигнува голови во лигата и Лигата на Шампионите, но тоа го прави на Стемфорд Бриџ".

„Потешко игра на гостувањата. Поради неговата техника, движењата и разбирањата со Азар и Оскар, мислам дека тој е најдобар на домашен терен".

„Според мене, тој е најдобар дома, но има тешкотии во играта на гостувањата".