Италија | Јувентус со 2-0 го совлада Милан на Сан Сиро и направи уште еден голем чекор кон одбрана на Скудетото, Лацио ја победи Фиорантина во Фиренца, Наполи не успеа да ги освои трите бода кај Ливорно...
Милан доминираше на теренот, но Старата Дама на крајот се радуваше на победата.
Тимот на Конте знаеше како да ги искористи своите прилики, за разлика од Милан кој не успеа иницијативата и шансите да ги круниса со погодок.
Резултатот беше отворен пред самиот крај на првото полувреме кога по асистенција од Лихштајнер, Љоренте погоди за водство на Јуве од 1-0.
Крај на сите дилеми околу победникот стави Карлос Тевез на 20 минути до крајот.
Со гол на Цана уште во 5. минута од натпреварот, Лацио со 1-0 ја победи Фиорентина на Артемио Франки.
Наполи одигра само 1-1 на гостувањето кај Ливорно.
Наполитанците поведоа со гол од пенал по прекршок направен врз Горан Пандев, Мертенс беше прецизен од белата точка.
Но на пет минути пред крајот на првиот дел, Пепе Реина си постигна несреќен автогол за конечни 1-1.
Поради отсуството на Игуаин (суспендиран), Горан Пандев беше стартер на овој натпревар и одигра 70. минути.
Во останатите натпревари Сампдорија со 2-0 победи кај Торино, со истиот резултат Џенова ја совлада Катанија, Аталанта со 2-1 славеше над Киево, немаше погодоци на дуелот помеѓу Верона и Болоња.
Извор: 24FUDBAL.com.mk
