МЕНИ

Лига на Шампиони | Реал Мадрид со фантастични 6-1 го победи Шалке во Гелзенкирхен, Челзи одигра 1-1 на гостувањето кај Галатасарај...

Реал Мадрид влезе како фаворит на гостувањето кај Шалке, но ретко кој очекуваше дека Кралевите со позитива од пет голови ќе се вратат во Мадрид.

Офанзивното трио на Реал Мадрид, Бензема, Роналдо и Бејл беше беспрекорно, тројцата постигнаа по два гола и уште вечерва го однесоа тимот во 1/4 финалето.

Резултатот беше отворен во 13. минута, Бензема погоди за водство од 1-0, осум минути подоцна Бејл со убав соло гол го зголеми резултатот на 2-0.

По седум минути игра во второто полувреме Кристијано Роналдо реализираше за убедлива предност од 3-0, а пет минути подоцна Бензема постигнува нов гол.

Во 69. Герет Бејл го постигна својот втор гол, а Роналдо во 89. минута ја заврши голгетерската вечер за Кралевите.

Најубавиот гол на вечерта беше дело на домаќините, во 91. минута Хунтелар со фантастичен волеј постигна прекрасен гол за конечни 1-6.

Галатасарај и Челзи одиграа без победник 1-1.

Сините од Стемфорд Бриџ дојдоа во водство уште во 9. минута, по асистенција од Азпуликуета, Торес погоди за 1-0.

Во првото полувреме Челзи ја контролираше играта и се чинеше дека се многу блиску до победа.

Но, вториот дел беше сосема поинаков, Жозе Мурињо се определи на дефанзива, Галатасарај нападна и почна да го загрозува голот на Чех.

Во 65. минута невнимание на одбраната на Челзи, Снајдер изведе корнер, а Чеду од неколку метри со нога реализираше за изедначување.

И по примениот гол Челзи не ја промени тактиката, тимот на Мурињо гледаше како да го задржи времено, не обидувајќи се да нападне кон голот на Муслера.

По едно полувреме им припадна и на двете екипи и се чини дека ремито од 1-1 е најреален резултат на овој дуел, па патникот во 1/4 финалето ќе се решава во Лондон.