МЕНИ

Лига на Шампиони | Дејвид Мојс вели дека на гостувањето во Атина, Манчестер Јунајтед ги прикажал најлошите перформанси во Европа, стратегот превзема целосна одговорност за шокантниот пораз...

’Црвените Ѓаволи’ важеа за голем фаворит за прогрес во четврт-финалето, но по вчерашниот пораз од 2-0 кај Олимпијакос, актуелниот шампион на Англија сега се соочува со тешка задача за продолжување на настапот во Лигата на Шампионите.

Дејвид Мојс признава дека неговиот тим не одиграл на потребното ниво во Грција, но верува дека ќе прикажат добри перформанси на реваншот и пред своите фанови ќе ја надминат негативата од два гола.

„Ова се нашите најлоши перформанси во Европа оваа сезона, тоа е сигурно” – рече Шкотот по крајот на средбата.

„Навистина одигравме лошо. Не заслуживме ништо вечерва. Не можам да одберам ниту еден играч кој одигра добро. Едноставно не прикажавме добри перформанси”.

„Превземам целосна одговорност, моравме да одиграме подобро“.

„Изненаден сум, не очекував дека ќе одиграме волку лошо. Во натпреварот влеговме во добра форма, бевме добро психолошки подготвени, но не го покажавме тоа”.

„Не одигравме добро вечерва. Мораме да играме подобро, и можеме да играме подобро. Добра работа е тоа што треба да се одигра и реваншот”.

„Сведоци сме дека на Олд Трафорд во минатото имало големи вечери, и се надевам дека ќе видиме уште една”.

„Ќе сториме се што можеме за да ја надминеме негативата од два гола”.

„Одлучно посакуваме да се искупиме за овој пораз и да ги исправиме работите, ќе имаме прилики да го сториме тоа во следните недели”.