МЕНИ

Лига на Шампиони | Карло Анчелоти очекува Шалке да пружи силен отпор, па Реал Мадрид ќе мора да го даде максимумот за да победи на гостувањето во Гелзенкирхен...

За овој дуел во составот на Реал Мадрид се враќа Кристијано Роналдо, кој е екстра мотивиран по суспензијата од три натпревари во првенството на Шпанија.

’Кралевите’ се фаворит, но Карло Анчелоти е свесен дека Шалке нема лесно да се предаде, очекува тимот од Гелзенкирхен да пружи силен отпор, па неговите избраници ќе треба да одиграат најдобро што умеат доколку сакаат со победа да се вратат во Мадрид.

„Очекувам натпревар со висок интензитет” – рече Италијанецот на прес конференцијата.

„Шалке е квалитетен, добро организиран тим. Не се сомневам дека тие ќе пружат силен отпор и ќе сторат се што можат за да триумфираат”.

„За да победиме тука, ќе мора да оиграме најдобро што умееме”.

„Добро го познаваме противникот, се работи за тим со добар баланс помеѓу млади талентирани фудбалери како Макс Мејер и Јулиан Дракслер и многу искусни играчи како Клас Јан Хунтелар и Кевин Принц Боатенг”.

„Можеби не играат спектакуларен фудбал, но се солидни и конзистентни”.

Запрашан дали Лигата на Шампионите ќе придонесе тој да го промени начинот на кој се подготвува за натпреварите, Анчелоти одговори: „Нема да има промени. Јас сум тука за добро да ја завршам работата во сите натпреварувања”.

„Сите добро знаат дека Лигата на Шампионите е најдоброто натпреварување, но исто така и најтешкото за освојување”.

„Потребно е да бидете на топ ниво за да триумфирате, и секако потребна ви е и малку среќа”.

„Треба да го дадеме максимумот на секој натпревар, бидејќи сите средби се опасни. Не сакаме добрата форма да заврши тука, и за сите натпревари се подготвуваме на ист начин”.

Зборувајќи за состојбата на најдобриот играч на Реал, Кристијано Роналдо, стретегот рече: „Роналдо е екстра мотивиран, подготвен е одново да игра фудбал. Не беше среќен со суспензијата од три натпревари, и добро се подготви за овој натпревар”.