Германија | Повредите не се единствениот проблем за Јирген Клоп во пресрет на дуелот со Зенит, тренерот на Дортмунд на прес конференцијата мака мачеше со преведувчот...
Вицешампионот на Европа гостува во Санкт Петербург за првиот натпревар од осмина-финалната пресметка со Зенит.
Во пресрет на натпреварот, ’Милионерите’ се мачат со голем број на повреди, но на вчерашната прес конференција тоа не беше единствениот проблем за Јирген Клоп.
Тренерот на Дортмунд никако не можеше да се усогласи со преведувачот, стратегот најпрво беше трпелив, потоа малку лут, за на крајот да се пошегува на сметка на преведувачот.
„Се надевам дека половина од работите кои ќе ги кажам ќе пристигнат до вас на разбирлив начин” – им се обрати Клоп на новинарите.
„Се надевам дека можеш да го преведеш она што го зборувам” – му се обрати стратегот потоа на преведуавчот.
„Очигледно овој човек ниту еднаш во животот не гледал натправар од Лигата на Шампионите” – додаде Клоп, а преведувачот потврди дека ваквата забелешка е точна.
Зенит се пласираше во нок-аут фазата со само шест освоени бода, па многумина веруваат дека ’Милионерите’ добиле лесен противник, но Клоп не се сложува со ваквата констатација.
„Исто како и ние, Зенит беше во тешка група” – рече Клоп.
„Ги гледавме сите натпревари на Зенит, вклучувајќи ги и оние во тренинг кампот во Изреал и оние од групната фаза, особено пресметките со Атлетико Мадрид и Порто“.
„Во последните неколку години, фудбалот во Русија бележи раст, па затоа очекувам силен противник и тежок натпревар”.
Минатата недела ’Милионерите’ останаа и без услугите на Свен Бендер, заденешниот натпревар под знак прашалник е Матс Хумелс, а Роберт Левандовски во последен миг се опорави од ситната повреда.
„Очигледно е дека се наоѓаме во лоша ситуација, голем број на играчи се повредени, но често такви се случувањата во животот”.
„Доколку ви се расипе машината за перење, следниот ден ќе откаже и апаратот за сушење, а до крајот на неделата ќе се расипе и телевизорот”.
„Левандовски одмараше викендов, но ќе тренира денеска и ќе биде подготвен за натпреварот”.
„Разговарав со Матс Хумелс во авионот и мислам дека ќе го одработи тренингот. Ќе видиме како ќе се чувствува па потоа ќе донесам одлука”.
„Ајде да речеме вака, подобро сме подготвени од преведувачот”.
Извор: 24FUDBAL.com.mk
