МЕНИ

Англија | Во трилер натпревар Ливерпул со 4-3 го победи Свонси, Тотенхем загуби на гостувањето кај Норич и се одалечи од позициите кои водат во Лигата на Шампионите...

Црвените предводени од Брендан Роџерс не престануваат со импресивните игри, во интересен натпревар Ливерпул го победи Свонси со 4-3.

Навикнавме веќе на фуриозните почетоци на натпреварите на Ливерпул, така беше и овој пат, домаќините поведоа уште во 3. минута со гол на Стариџ.

Во 20. минута Хендерсон постигна убав гол за зголемување на предноста на 2-0.

Но, неочекувано настапи период на Свонси, најпрво во 23. минута Џонџо Шелви постигна прекрасен гол за 2-1, а четири минути подоцна Бони реализираше за изедначување.

Десет минути подоцна, Стариџ го враќа водството на Ливерпул, но на самиот старт од второто полувреме Бони од пенал изедначува на 3-3.

Сепак на 15 минути до крајот Хендерсон повторно е стрелец за важни три бода на Ливерпул во борбата за топ 4.

Тотенхем е последниот кандидат за влез во Лигата на Шампионите, но со поразот на гостувањето кај Норич, Спарси се одалечија на шест бода од Ливерпул.

Снодграс беше стрелецот на погодокот за Канаринците.

Њукасл конечно успеа да победи, Реми со погодок во 92. минута донесе триумф против Астон Вила.