Англија | Жозе Мурињо не верува дека Златан Ибрахимовиќ и Единсон Кавани би можеле да го носат дресот на Челзи идната сезона...



Жозе Мурињо во летниот преоден рок ќе купи голгетер, Португалецот не е задоволен од учинокот на неговите напаѓачи, па засилување на офанзивната позиција ќе биде еден од приоритетите на Челзи.
 
Сините се поврзуваат речиси со сите најдобри напаѓачи, Ибрахимовиќ, Кавани, Диего Коста, Фалкао...
 
Мурињо не верува дека некој од Ибра или Кавани би можел да се пресели на Стемфорд Бриџ.
 
„Ибрахимовиќ? Тоа е невозможно. Тој е среќен во Париз. Го знам тоа бидејќи сме во контакт, пријатели сме" - вели Мурињо во интервју за Canal+.
 
„Сите ја знаеме финансиската ситуација на ПСЖ, па мислам дека тие никогаш нема да му дозволат да замине".
 
„Кавани е одличен напаѓач, но има фантастичен договор и не верувам дека би ја променил средината".
 
Мурињо ја отфрли и можноста за трансфер на Азар во ПСЖ велејќи дека тој е фудбалерот околу кој ќе се гради новиот тим на Сините.
 
А во разговор со новинарите по интервјуто, Португалецот како реална цел го посочил Радамел Фалкао.

Извор: 24FUDBAL.com.mk