МЕНИ

Германија | Спортскиот директор на Баерн Минхен, Матиас Замер вели дека Тони Крос нема да замине од Алианц Арена пред 2015...

Репрезентативецот на Германија е обврзан кон ’Баварците’ до 2015, преговорите за продолжување на соработката се блокирани, па често се говори за негово заминување.

Манчестер Јунајтед се посочува како клубот што појавува сериозен интерес за услугите на Тони Крос, но од таборот на Баерн Минхен порачуваат дека немаат намера да се разделат со фудбалерот од средниот ред.

Во разговор со Bild, спортскиот директор на Баерн, Матиас Замер вели: „Тони е под договор со нас до 30. јуни 2015 и нема да замине пред овој датум”.

„Одлучно посакуваме да го задржиме и по истекот на сегашниот договор. Навистина го цениме Тони и тоа сме го покажале во неколку наврати”.

Играчот во моментов има годишна плата од околу 4.5 милиони евра, и се говори дека посакува двојно повеќе пари за да стави потпис на нов договор.

’Баварците’ не се подготвени да одвојат ваква сума на пари, и почесниот претседател Франц Бекенбауер вели дека за ниту еден играч не треба да се руши структурата на плати.

„Потребно е да донесете одлука како клуб кога некој има превисоки барања”.

„Не постои играч доволно вреден за кого би ја промениле целата структура на плати”.

„Никој не е незаменлив”.

Според медиумите од Англија, Манчестер Јунајтед со цел да дојде до потписот на играчот, подготвен е да му понуди на Тони Крос годишна плата од околу 14 милиони евра.

Со ваква сума, Тони Крос ќе стане најплатениот Германец во фудбалот, и тројно ќе ги зголеми своите сегашни примања.