Лига на Шампиони | Арсен Венгер е разочаран што грешките на неговиот тим го чинеа Арсенал пораз од Баерн Минхен на Емирати...



Арсенал со 2-0 беше поразен од Баерн Минхен на свој терен, па Венгер и неговите фудбалери ќе имаат исклучително тешка мисија да ја анулираат оваа предност на Алијанц Арената.
 
На Емирати можеше да биде сé поинаку доколку Арсенал реализираше пенал при 0-0, Озил не успеа а подоцна Шчесни доби црвен картон по што Баерн знаеше како да го финишира натпреварот.
 
„Вечерва сé беше против нас" - изјави Венгер по натпреварот.
 
„Требаше да водиме, но направивме големи грешки, сепак духот беше фантастичен".
 
„Пеналот кој го промашивме нé уби нас, публиката и позитивните вибрации".
 
Венгер не се согласува со начинотна кој Озил го изведе пеналот, но има замерки и за судијата Никола Рицоли и неговата одлука да му додели црвен картон на Шчесни.
 
„Преферирам фудбалери кои правилно ги изведуваат пеналите. Секој си има свој стил и треба да го почитувате тоа, нема единствен начин на изведување на пеналите".
 
„Имаше контакт од Шчесни, беше пенал, но дали е тоа и црвен картон? Многу пати сум ги оспорувал ваквите одлуки".
 
„Кога ќе останете со играч помалку и кога некој фудбалер ќе ви се повреди (Гибс), знаете дека ќе страдате физички".
 
„Ова беше тешка ноќ, но и ноќ во која тимот покажа квалитет и класа, но на крајот го загубивме натпреварот".

Извор: 24FUDBAL.com.mk