Италија | Кака жали што ’Росоњерите’ вчера доживеаа пораз на Сан Сиро во дуелот со Атлетико Мадрид, но вели дека добрата игра им дава надеж за добар резултат на реваншот...
Милан вчера беше подобар противник, креираше неколку шанси за гол, но домаќините не успеаа да го најдат патот до мрежата на Тибо Куртоа, кој прикажа уште една одлична партија помеѓу стативите.
Кон финишот на средбата стигна казната, Диего Коста најдобро се снајде при еден корнер од десната страна и го донесе Атлетико Мадрид во предност од 1-0.
Тимот од Шпанија сега е голем фаворит за прогрес во следната рунда, но Кака останува оптимист и верува дека Милан може да победи на гостувањето во Мадрид.
„Секако дека останавме со горчина во устата по поразот, прикажавме одлични перформанси” – рече Бразилецот. „За жал, не успеавме да постигнеме погодок“.
„Креиравме многу шанси, па разочарани сме. Но во исто време сме задоволни што во Мадрид сеуште можеме да обезбедиме прогрес во следната рунда”.
Во првото полувреме, ударот на Кака од работ на шеснаесетникот заврши во пречката, а рамката од голот ја погоди и Поли.
„Ударот беше одличен, мислев дека ќе ја затресам мрежата, но само ја погодив пречката”.
„Потоа и ударот на Поли со глава заврши во стативата. Доколку реализиравме една од овие прилики, натпреварот ќе беше сосема поинаков”.
Запрашан какви се шансите на Милан за прогрес во четврт-финалето, Кака рече: „Спред мене сеуште се е отворено, но морам да признам дека ќе биде многу тешко”.
„Мораме да победиме во Мадрид против одличен тим како Атлетико, но судејќи од перформансите што ги прикажавме вечерва, мислам дека имаме добри шанси”.
Извор: 24FUDBAL.com.mk
