Екипата на Удинезе потврди дека му е врачен отказ на тренерот Пасквале Марино и на негово место е назначен Џани Де Биаси...

Медиумите од Италија во последните денови силно шпекулираа дека Пасквале Марино ќе добие отказ од екипата на Удинезе.

Утрово се одржа состанок помеѓу сега веќе поранешниот стратег Марино и менаџментот на Удинезе по што беше решено двете страни да се разделат.

“Фудбалскиот Кулб Удинезе може да потврди дека тренерот Пасквале Морини доби отказ.” – гласеше соопштението на Удинезе.

“Клубот сака да му се заблагодари на господинот Марино за неговата работа во овие двеипол години.”

Во исто време тимот од Фриули потврди дека Џани Де Биаси ќе биде нов стратег на клубот.

“Удинезе исто така сака да соопшти дека денеска во 17:30 Џани Де Биаси ќе биде презентиран како нов стратег на тимот.”

Powered by: 24 FUDBAL.com.mk