Лига на Шампиони | Мануел Пелегрини не може да се помири со поразот од Барселона, тренерот на Манчестер Сити грми против судијата Ериксон...
Синоќа Барселона со 2-0 славеше на гостувањето кај Манчестер Сити со што направи огромен чекор кон пласманот помеѓу осумте најдобри.
Мануел Пелегрини е бесен на шведскиот судија Ериксон, за кој смета дека им ја подарил победата на Барселона.
Јасно е дека судијата направи две грешки во акцијата за постигнување на првиот погодок, и тоа имаше влијание на крајниот резултат, но имаше грешки и на другата страна, од таборот на Барса го потенцираат играњето со рака на Клиши во сопствениот шеснаесетник како и голот на Пике кој беше поништен поради непостоечки офсајд од Фабрегас.
„Тој судеше за Барселона од самиот почеток до крајот" - смета Пелегрини.
„Судијата го одлучи натпревар. Пред пеналот, кој беше надвор од шеснаесетникот, имаше фаул врз Хесус Навас".
„Мислам дека не беше добра идеја да се стави судија од Шведска за овој натпревар и судија кој направи голема грешка против Барса на дуелот со Милан. Вечерва им врати".
„Мислам дека судијата го одлучи натпреварот, бидејќи пред пеналот имаше фаул над Навас на три метри од него, па тој можеше да го види тоа без никаков проблем".
„Најголема грешка беше што не досуди фаул врз Навас, а потоа пеналот".
„Контактот беше надвор од шеснаесетникот, тоа е фаулот, не можете да го продолжите фаулот. Првиот допир беше надвор од шеснаесетникот. Пред пеналот Барселона не создаде ниту една шанса, а ние се подготвувавме да нападнеме".
„Му реков на судијата дека тој го одлучи натпреварот и мора да е среќен поради тоа".
„Мислам дека во Европа има пофудбалски земји од Шведска. Ова е голем натпревар со два големи тима и можеби во ваквите натпревари е потребен судија со поголемо искуство".
Извор: 24FUDBAL.com.mk
