Лига на Шампиони | Тата Мартино е презадоволен од резултатот на Етихад стадионот, но вели дека неговиот тим и во реваншот мора да влезе максимално сериозно...



Барселона оствари голем резултат на гостувањето кај Манчестер Сити, Каталонците победија со 2-0 и се многу блиску до 1/4 финалето во Лигата на Шампионите.
 
Тренерот на Барса, Тата Мартино е задоволен од случувањата на теренот и победата на неговиот тим.
 
„Само десетина минути во првото полувреме ја загубивме контролата на топката, но во остатокот од натпреварот одигравме добро" - вели Мартино.
 
„Треба да останеме смирени и да продолжиме по истиот пат бидејќи немаме време за опуштање, мора да почнеме веднаш да размислуваме на следниот натпревар во Примера".
 
„Резултатот е одличен за нас. Сити има фантастичен тим и игра на многу високо ниво".
 
„Знаеме дека имаме и реванш натпревар на домашен терен и иако резултатот е добар, не смееме да мислиме дека е готово. Противникот е силен и не смееме да се опуштиме".

Извор: 24FUDBAL.com.mk