Лига на Шампиони | Сеск Фабрегас верува дека победата на Барселона од 2-0 на гостувањето кај Манчестер Сити ќе придонесе критичарите да молчат во следните неколку дена...



Оваа сезона, ’Каталонците’ често пати се критикувани дека не играат на потребното ниво, а последните обвинувања пристигнаа од Жозе Мурињо.
 
Во пресрет на гостувањето на Етихад Стадионот во осмина-финалето од Лигата на Шампионите, ’Специјалниот’ истакна дека Манчестер Сити ќе се сретне со најлошата Барселона во последните неколку години.
 
Жозе Мурињо посочи дека ’Граѓните’ имаат добри шанси за прогрес во следната рунда со оглед на тоа дека Барса е далеку од својата врвна форма.
 
Сепак, Барселона вчера славеше со 2-0, шампионот на Шпанија е на чекор од четврт-финале, па Сеск Фабрегас вели дека тие им покажале на критичарите дека грешат.
 
„Ние сме лидери во Шпанија, ќе играме во финалето од купот, а вечерва против Сити остваривме одличен резултат” – рече Сеск по крајот на вчерашниот натпревар.
 
„Мислам дека не можете да побарате нешто повеќе, но фановите во Шпанија, во принцип, ставаат многу голем притисок врз вас како тим”.
 
„Можеби требаше нешто да докажеме, мислам дека одговоривме соодветно, го сторивме тоа со стил”.
 
„Многумина велеа дека оваа Барселона не е онаа старата Барселона, некои луѓе зборуваа премногу и како и секогаш, сега ќе треба да замолат во следните неколку денови”.
 
Запрашан дали Барса е веќе во четврт-финалето, тој одговори: „Не, воопшто не. Го почитуваме Манчестер Сити”.
 
„Во фудбалот се може да се случи и покрај тоа што имаме предност од 2-0”.
 
„На реваншот ќе мора да се бориме напорно за да обезбедиме настап во четврт-финалето”.

Извор: 24FUDBAL.com.mk