Горан Пандев не може да исчека да го напушти Лацио, нашиот фудбалер е нестрплив да се врати на фудбалските терени.

Одлуката за раскин на договорот со Лацио требаше да биде донесена синоќа, но расправата се одложи за денеска поради доцнењето на претставниците на Лацио поради снежното невреме во Италија.

Нашиот фудбалер посакува колку што е можно побрзо да заврши овој кошмар кој го доживува.

"Не можам да дочекам да заминам" - изјави Пандев за Mediaset.

"Лотито ме разочара, ме третираше како никој, ми кажа премногу лаги".

"Тренирам сам веќе четири месеци и сега само се надевам дека на сето ова ќе му дојде крајот".

"Само сакам да се вратам на фудбалскиот терен" - изјави Горан Пандев.

Неколку големи клубови се интересираа за Пандев, доколку судот донесе ослободителна пресуда, Пандев сигурно ќе ја промени средината, во спротивно неизвесно ќе биде неговото заминување во јануари.

Powered by: 24 FUDBAL.com.mk