МЕНИ

Лига на Шампиони | Лорен Блан ги повика своите играчи да бидате ефективни на гостувањето во Леверкузен, да ги искористат шансите и да обезбедат добар резултат...

Тренерот на ПСЖ ги посочува брзите контри и нафрлените топки по прекините како најсилното оружје на ’Фармацевтите’, па шампионот на Франција ќе се обиде да го неутрализира противникот имајќи го поседот на топката.

„Како и секој тим од Германија, Баер Леверкузен има прилично доста корпулентни играчи” – рече Лоран Блан на прес конференцијата.

„Па ќе треба добро да внимаваме при нафрлените топки по прекините. Нема да можеме да им се спротивставиме во воздушните дуели, бидејќи моите играчи нема преку ноќ да пораснат”.

„Ќе се обидеме да го контролираме натпреварот имајќи го поседот на топката”.

„Контрите се уште едно нивно силно оружје. Можно е намерно да не остават да го имаме поседот на топката, и да чекаат да ни нанесат удар преку брз пртив напад“.

„Па секогаш кога ќе ја загубиме топката, ќе мора напорно да работиме за да го повратиме поседот”.

Од таборот на Леверкузен посочија дека една од нивните задачи ќе биде да го задржат Златан Ибрахимовиќ, кој е најдобар стрелец на ПСЖ во Лигата на Шампионите.

„Леверкузен ќе се фокусира на Ибра, но ние имаме и други играчи кои се способни да погодат”. - продолжи тренерот на ПСЖ.

„Во тимот се чуствува атмосферата од Лигата на Шампионите, сите со нетрпение го чекаат овој натпревар, на прекрасен стадион со одлично подготвен терен. Моите играчи знаат колку е важна оваа средба”.

„Мораме да ги искористиме шансите. Треба да нападнеме, да креираме шанси и да обезбедиме позитивен резултат во пресрет на реваншот”.