Лига на Шампиони | Со натпреварите Манчестер Сити - Барселона и Леверкузен - ПСЖ започнува елиминационата фаза од Лигата на Шампионите...



Вечерва на Етихад стадионот, Манчестер Сити ја пречекува Барселона во можеби најинтересниот натпревар од 1/8 финалните дуели во Лигата на Шампионите.
 
Силината на двата противници најавува вистински спектакл и израмнет двобој во кој нијанси ќе одлучуваат кој ќе го продолжи патот накај Лисабон.
 
Голем хендикеп за Мануел Пелегрини е отсуството на Серхио Агуеро кој поради повреда ќе го пропушти вечерашниот натпревар, но добра вест е враќањето на Фернандињо кој откако дојде во Сити се промовираше во многу значајна алка на тимот.
 
Посебен оптимизам во Барселона носи формата на најдобриот, Лео Меси кој го надмина критичниот период кога имаше проблеми со ефикасноста и сега повторно ги тресе противничките мрежи.
 
Каталонците се во неверојатна серија од шест пласмани по ред во полуфинале, додека за Манчестер Сити ова ќе биде прво 1/8 финале во Лигата на Шампионите.
 
Во сенка на денешниот натпревар, Леверкузен го пречекува францускиот шампион ПСЖ.
 
Утре се играат натпреварите Милан - Атлетико Мадрид и Арсенал - Баерн Минхен.
 
На 25. февруари се дуелите Зенит - Борусија Дортмунд и Олимпијакос - Манчестер Јунајтед, а ден подоцна Шалке - Реал Мадрид и Галатасарај - Челзи.

Извор: 24FUDBAL.com.mk