Шпанија | Тренерот на Барселона, Тата Мартино смета дека натпреварот со Сити е најтешкиот 1/8 финален дуел...



Вечерва започнува нокаут фазата од Лигата на Шампионите и тоа со мега пресметката помеѓу Манчестер Сити и Барселона.
 
„Не мислам дека Сити е мини Барселона или мини било кој тим. Мислам дека тие се еден од најсилните тимови во светот. Имаат одлични шпански играчи како Хесус Навас и Давид Силва, но не се само тие добри" - вели Мартино.
 
„Ги имаат Јаја Туре, Серхио Агуери и Фернандињо кои се фантастични фудбалери".
 
Од 2006 па наваму Барселона три пати го освои натпреварувањето, а последните шест години секогаш е во полуфиналето. Мартино е свесен дека тоа носи дополнителен притисок.
 
„Во последните шест сезони Барселона се пласираше во полуфиналето и фановите се навикнаа на тоа".
 
„Ќе биде тешко да се објасни доколку и оваа сезона не го направиме тоа, но ова е најтешкиот дуел од сите 1/8 финални".
 
„Треба да ја задржиме топката, да имаме посед. Сити има многу слична игра на нашата, можеби подиректна, но и тие се добри кога станува збор за поседот на топката. Сметам дека оној кој ќе има повеќе посед ќе има повеќе шанси за пласман".

Извор: 24FUDBAL.com.mk