МЕНИ

Англија | Во пресрет на мега пресметката од Лигата на Шампионите, Мануел Пелегрини вели дека Манчестер Сити не стравува од силната Барселона...

Утре започнува елиминационата фаза од Лигата на Шампионите, и веднаш на програмата е големиот дерби дуел помеѓу Манчестер Сити и Барселона.

Викендов Манчестер Сити го победи Челзи со 2-0, а Барса го торпедираше Рајо Ваљекано со 6-0, па двата тима влегуваат во добра форма.

Мануел Пелегрини не стравува од силната Барса, има почит за противникот, но верува во својот тим.

„Ова е добра шанса да покажеме колку сме добри" - изјави Пелегрини за Daily Mail.

„Тие имаат големо искуство, имаат одличен тим, го имаат најдобриот фудбалер во светот но мислам дека и ние исто така имаме добри фудбалери".

„Воопшто не стравувам од играње против Барселона бидејќи овој тим треба да продолжи да се развива играјќи со големи тимови. Се надевам дека ќе победиме на домашен терен".

„Барселона беше најдобриот тим во светот во изминатите три-четири години и има многу одлични фудбалери. Но нашиот тим исто така има многу добри играчи. Очекувам да бидиме спектакуларен натпревар".

„Треба да бидеме агресивни и се надевам дека резултатот ќе дојде. Веруваме дека можеме да победиме".