МЕНИ

Англија | Жозе Мурињо во свој стил експресно му одговори на Арсен Венгер, Португалецот вели дека менаџерот на Арсенал е специјалист за неуспех...

Арсен Венгер денеска сугерираше дека Жозе Мурињо се плаши од неуспех, па затоа постојано коментира дека Челзи не е фаворит во трката за титулата во Премиер лигата.

Португалецот експресно одговори на ваквите напади, предводникот на ’Сините’ вели дека Арсен Венгер е специјалист за неуспех.

„Венгер е специјалист за неуспех” – рече Мурињо на денешната прес конференција.

„Доколку тој е во право и јас имам страв од неуспех, тоа е така бидејќи малку пати сум имал неуспех. Па можеби тој е во право. Не сум навикнат на неуспех”.

„Но реалноста е дека тој е специјалист за неуспех, бидејќи осум години нема освоено трофеј, тоа е неуспех”.

„Доколку мене ми се случи тоа во Челзи, ќе заминам од Лондон и нема да се вратам”.

Запрашан за коментарите на Венгер дека ’Сините’ се тие што можат да ја изгубат титулата а сите преостанати да ја освојат, Мурињо одговори: „Актуелниот шампион е Манчестер Јунајтед, па тие се сопственици на титулата се додека математички не ја загубат”.

„Доколку тие не се шампиони оваа сезона, и сите се сложуваме дека е речиси невозможно да бидат, Манчестер Јунајтед ќе ја изгуби тутлата, никој друг”.