Поранешниот генерален директор на Јувентус, Лучијано Моџи вели дека само тој ја бранел Старата Дама во Калчополи скандалот и додава дека и Интер мамеле и требале да бидат дел од Калчополи

Антонио Гираудо, кој исто така беше обвинет заедо со Моџи за некоректно водење на клубот, неодамна доби затворска казна од три години.

Зборувајќи за Radio Erre 2, Моџи рече: “Според мене Гираудо направи погрешна одлука што прифати судскиот спор да се одвива брзо.”

“Тој одлучи да замине за Лондон додека јас останав тука да се одбранам самиот и пред се Јувентус, ми се чини дека само јас го бранам клубот и никој друг.”

“Јас останав само за да го одбранам Јуве.”

Моџи потоа додаде дека и Интер бил дел од Калчополи скандалот и како пример ја зема изјавата на судијата Росарио Копола кој велеше дека добил голем број на повици околу еден инцидент на Иван Кордопа.

“Пред две недели помишник-судијата Копола покажа дека и Интер вршел притисок за Кордоба да не добие казна.”

“Притисокот значи дека некој вршел телефонски повици, повицо кои Интер ги има направено голем број пати – тоа исто така беше потврдено и од лицето кое ги распоредува судиите.”

“Жално е тоа што тие повици не постојат. Секако Telecom Italia не беше во сопственост на Јувентус, туку на Интер.”

Powered by: 24 FUDBAL.com.mk