Англиските медиуми шпекулираат дека Манчини посакува во Манчестер Сити да ги донесе Пандев, Маикон и Киелини.

Гласините велат дека новиот менаџер на Манчестер Сити, Роберто Манчини посакува да го донесе Горан Пандев во својот нов тим.

Наводно Манчини веќе има составено листа на посакувани засилувања, на списокот се наоѓа и Горан Пандев.

Calciomercato пишува дека Сити по налог на Манчини ја следи сутиацијата на Горан Пандев со Лацио и би можеле да испратат понуда за нашиот најдобар фудбалер.

Сепак ако се знае конкуренцијата во нападот на Манчестер Сити, тешко за верување е дека овие гласини се вистинити.

Манчестер Сити ги има Адебајор, Тевез, Робињо, Белами и Роке Санта Круз, па затоа пологично е да тргне по дефанзивни засилувања.

Daily Mirror пишува дека прв избор на Роберто Манчини е дефанзивецот на Јувентус, Џирџио Киелини.

Daily Telegraph објавува дека Сити подготвува понуда и за Маикон, но многу мала е веројатноста Бразилецот во јануари да го напушти Интер.

Powered by: 24 FUDBAL.com.mk