Англија | Арсен Венгер вели дека Жозе Мурињо се плаши од неуспех па затоа Португалецот постојано вели дека Челзи не е фаворит во трката за титулата во Премиер лигата...
’Сините’ во моментов се лидери на табелата, но ’Специјалниот’ постојано вели дека тие немаат големи шанси за освојување на Премиер лигата и се аутсајдери во битката со Арсенал и Манчестер Сити.
Арсен Венгер верува дека Жозо Мурињо се плаши од неуспех, па затоа Португалецот дава вакви коментари.
Менаџерот на Арсенал исто така вели дека тој ќе превземе целосна одговорност доколку ’Топџиите’ не станат шампиони.
„Трката за титулата е прилично отворена” – рече Французинот на денешната прес конференција.
„Само Челзи може да ја загуби бидејќи во моментов тие се први, сите останати тимови можат да ја освојат”.
„Ливерпул и Тотенхем повторно се во трката за титулата, постојано велев дека неколку тимови ќе се борат, и очекувам мртва трка до самиот финиш”.
Запрашан зошто сите менаџери ги посочуваат своите екипи како аутсајдери во трката, Арсен Венгер одговори: „Се плашат од неуспех”.
„Едноставно е, доколку не сте во трката не можете да ја загубите. Доколку објавите дека не сте во трката тогаш не можете да ја загубите”.
„Јас мислам дека во нашата работа треба да сте амбициозни и да се обидете да победите, и доколку не успеете, треба да превземете целосна одговорност”,
„Јас велам дека ние сме во трката за титулата, ќе го дадеме максимумот, и доколку не успееме јас ќе превземам одговорност за тоа”.
Извор: 24FUDBAL.com.mk
