Италија | Наполи со убедливи 3-0 ја победи Рома на Сан Паоло и со вкупни 5-3 се пласираше во финалето од Купот на Италија каде што ќе игра против Фиорентина...



Наполи и Фиорентина ќе играат во финалето од Купот на Италија, откако Наполитанците вечерва ја елиминираа Рома.
 
Рома на Сан Паоло излезе со предност од 3-2 по првиот натпревар, но Римската Волчица доживеа неочекуван пораз, најголем оваа сезона.
 
Посебен мотив за Наполитанците беше присуството на Диего Марадона на трибините кој го виде својот поранешен тим во вистинско издание.
 
Каљехон, Игуаин и Жоргињо беа стрелци на головите за Наполи.
 
Рома остана и со фудбалер помалку откако Стротман беше исклучен на десет минути до крајот.
 
Горан Пандев и на овој натпревар остана на клупата за резервни играчи.

Извор: 24FUDBAL.com.mk