Англија | Извршниот потпретседател на ’Црвените Ѓаволи’, Ед Вудвард најави дека клубот ќе вложи голема сума на пари за засилување во летниот преоден рок...



Актуелниот шампион на Англија денеска го објави финансискиот извештај за вториот квартал, кој покажа рекорден приход и покрај тоа што Манчестер Јунајтед се мачи на теренот и бележи очајни резултати.
 
Лидерите на клубот се разочарани од тоа како се одвива првата сезона под водство на Дејвид Мојс, но ќе се обидат да го променат тоа со голема инвестиција во летниот преоден рок.
 
Извршниот потпретседател на ’Црвените Ѓаволи’, Ед Вудвард најави дека Манчестер Јунајтед ќе настапи на трансфер пазарот на начин на кој не бил виден во последните неколку години.
 
„Фер е да се каже дека се фокусираме на засилување на составот” – рече Вудвард.
 
„Исто така внимаваме и на играчите кои сега ги имаме, веројатно е дека некои ќе бидат продадени летоска”.
 
„Не мора да значи дека летоска ќе се ослободиме од голем број на играч, бидејќи тоа може да донесе непосакуван ефект, но не сме исплашени да настапиме на трансфер пазарот на начин кој веројатно не е виден во последните неколку години”.
 
„Доколку погледнете во минатото, во просек сме продавале по тројца играчи и сме купувале по тројца играч, но можно е сега бројката да биде поголема, иако не можам да говорам за конкретни цифри во овој момент”.
 
„Ќе инвестираме за да се осигураме дека можеме да се натпреваруваме на највисоко ниво, да изградиме конкурентен состав кој ќе се бори за трофеи”.
 
Со цел да се подобрат перформансите, тимот од Олд Трафорд минатиот месец вложи 37 милиони фунти за ангажман на Хуан Мата, со што го урна сопствениот трансфер рекорд.
 
Се говори дека Манчестер Јунајтед летоска ќе потроши повеќе од 100 милиони фунти за реконструкција на составот.

Извор: 24FUDBAL.com.mk