МЕНИ

Јужна Америка | Александре Пато сеуште чека зелено светло за трансфер на Морумби Стадионот, но веќе го одработи првиот тренинг со Сао Пауло...

Напаѓачот побара да замине од Коринтијанс, откако минатата недела навивачите на клубот незадоволни од слабите резултати влегоа на еден од тренинзите и се обидоа да се пресметаат со играчите.

Коринтијас веднаш започна преговори со локалниот ривал Сао Пауло за зделка во која Александре Пато требаше да се пресели на Морумби Стадионот на позајмица до декември 2015, а во обратен правец да пристигне Жадсон.

Двата клуба за кратко време пронајдоа заеднички јазик, но остануваат да се разрешат уште некои бирократски процедури, за зделката официјално да биде комплетирана.

И покрај тоа што сеуште се чека зелено светло, Александре Пато веќе ги помина редовните лекарски прегледи и вчера го одработи првиот тренинг со Сао Пауло.

Поради тоа што веќе настапи три натпревари за Коринтијас, Пато нема да може да игра за својот нов клуб во Паулиста, елитната лига на бразилската сојузна држава Сао Пауло.

Се очекува популарната ’Патка’ да дебитира во дресот на ’Триколорите’ на 12. март во Купот на Бразил.