МЕНИ

Германија | Тренерот на Баерн Минхен, Пеп Гвардиола вели дека Тони Крос на последните два натпревари бил оставен на клупата за резерви само поради тактички причини...

Репрезентативецот на Германија на средбата со Штутгарт минатиот месец бурно реагираше кога беше заменет во вториот дел, играчот кога го напушти теренот гневно ги фрли ракавиците и ги игнорираше неговите соиграчи на клупата.

По средбата со ’Швабите’, Тони Крос го загуби првотмискиот статус и на следните два натпревари беше оставен на клупата за резерви.

Медиумите шпекулираат дека Пеп Гвардиола на овој начин го казнил играчот од средниот ред, но стратегот ги демантираше ваквите стории.

Зборувајќи на вчерашната прес конференција во пресрет на дуелот со Хамбургер во Купот на Германија, Шпанецот истакна дека Тони Крос бил оставен на клупата за резерви само поради тактички причини.

„Се работеше за тактичка одлука” – рече Пеп. „На последните два натпревари игравме поинаку, па не го употребивме Крос“.

„Тони е одличен на секој тренинг, и сигурен сум дека ќе ни биде од помош во иднина“.

„Доколку целиот состав е фит, неколку важни фудбалери нема да играат”.

„Го гледам нашиот противник и го анализирам, ги воочувам неговите силни и слаби страни, па потоа го одредувам составот”.

„Не е прв пат некој фудбалер да е незадоволен од моите одлуки и да ме критикува. Секој играч е разочаран кога не игра. Останува на мене да ја држам ситуацијата под контрола”.

„Мојата единствена цел е да бележиме победи”.

Тони Крос е обврзан кон Баерн Минхен до јуни 2015, преговорите за продолжување на соработката се стопирани откако играчот го одби последниот предлог, па често се говори дека Германецот ќе замине од Алианц Арена.