Англија | Мартин Шкртел признава дека минатото лето сериозно размилувал за заминување од Енфилд Роуд, дефанзивецот сега е среќен што останал во Мерсисајд...
Во вториот дел од минатата сезона, репрезентативецот на Словачка го загуби првотимскиот статус, па изминатово лето често се пишуваше за неговата иднина.
Наполи и Зенит пројавија интерес за услугите на 29 годишниот фудбалер, кој на крајот сепак остана на Енфилд.
Во разговор со Liverpool Echo, Мартин Шкртел признава дека сериозно размислувал за заминување од Ливерпул, но сега е среќен што одлучил да остане и да се бори за место во тимот.
„Ќе лажам доколку кажам дека не размислував за заминување” – рече Шкртел, кој постигна два погодоци во победата од 5-1 над Арсенал во саботата.
„Не ми беше лесно по крајот на минатата сезона. Бев на клупата за резерви во вториот дел од сезоната и тоа беше нешто ново за мене”.
„Но исто така не беше лесно да се напушти клуб како Ливерпул, бидејќи сеуште се работи за еден од најдобрите клубови во светот.”
„По шест години поминати тука, не беше лесно да кажам ’во ред, заминувам’”.
„Пред почетокот на сезоната си реков себеси ’ќе се борам, ќе работам напорно и ќе се обидам да им покажам на луѓето дека сум способен да бидам стартер и да играм’”.
„Се обидувам да работам многу напорно на секој тренинг и кога добивам шанса са настап се обидувам да го дадам максимумот за да му помогнам на тимот”.
„По натпреварите како оној во саботата, навистина сум среќен што останав”.
Извор: 24FUDBAL.com.mk
