Англија | Еден Азар вели дека не обрнува внимание на сториите за трансфер во ПСЖ, Белгијанецот не размислува за заминување од Стемфорд Бриџ...



Се говори дека репрезентативецот на ’Црвените Ѓаволи’ е трансфер желба на ’Светците’ за засилување на тимот во летниот преоден рок.
 
Извештаите велат дека ПСЖ е подготвен да одвои мало богатство за да го види Еден Азар во своите редови.
 
Сепак, фудбалер не обрнува многу внимание на ваквите стории, и инсистира дека не размислува за заминување од Челзи.
 
Во разговор за L’Equipe, Еден Азар рече: „Добро е да се прочита дека ПСЖ се интересира за вас, но јас не им обрнувам многу внимание на ваквите стории”.
 
„Никогаш не сум размислувал за заминување од Челзи. Се чувствувам добро тука”.
 
„Знам многу добро што имам на ум и како ќе се одвива мојата кариера, никој не може да ме предомисли. Мојата цел е да бидам најдобар со Челзи”.
 
„Учам многу од соработката со Френк Лампард, Џон Тери, Петр Чех и Самуел Ето. Тие имаат освоено голем број на титули и ме инспирираат. Ми помагаат да пораснам. Затоа мислам дека најдоброто од мене допрва доаѓа”.
 
Запрашан за Жозе Мурињо, репрезентативецот на Белгија одговори: „Тој е најдобриот тренер во светот”.
 
„Оние кои сеуште се соменеваат во него нека престанат!”
 
„Успехот што го има забележано доволно говори, освојуваше трофеи секаде”.

Извор: 24FUDBAL.com.mk