МЕНИ

Шпанија | Тренерот на Барселона, Герардо Мартино верува дека Лео Меси ги замолчел критичарите со двата погодоци и добрите перформанси во победата од 4-1 над Севиља...

Аргентинецот во последно време игра во слаба форма, а неодамна поранешниот асистент тренер на Барса, Анхел Капа го обвини Лео Меси дека ја изгубил страста за фудбалот.

Унаи Емери пред вчерашниот дуел помеѓу Севиља и Барселона истакна дека ваквите коментари можат да го разбудат ’ѕверот’ во Меси, и предводникот на ’Андалузијците’ имаше право.

Напаѓачот одигра на високо ниво и постигна два погодоци во победата на ’Каталонците’ од 4-1.

По крајот на средбата, Герардо Мартино истакна дека со ова Лео Меси ги замолчил критичарите.

„Кога е повредена гордоста на најдобриот фудбалер во светот, вообичаено следниот противник е тој што плаќа, и токму тоа се случи” – рече тренерот на Барселона.

„Ми се допаѓаат двете верзии на Меси, лидер и голгетер, бидејќи тој секогаш е одлучувачки”.

„Понекогаш е доволно тоа што ги навлекува противничките играчи на себе на центарот од теренот и отвара простор по крилните позиции”.

„Толку многу го привлекува вниманието на противниците што другите играчи имаат доста простор за игра, па секоја негова инволвираност е позитивна“.

По една недела пауза, Барселона одново се врати на врвот на табелата во Примера.

’Каталонците’ имаат ист број на бодови со Атлетико Мадрид и Реал Мадрид, но се лидери благодарејќи на подобрата гол разлика.

„Првото место носи смиреност” – продолжи Мартино. „Сега ќе видиме кој прв ќе киксне и ќе загуби бодови. Се надевам дека нема да бидеме ние”.