Англија | Манчестер Јунајтед продолжи со распродажбата на бодови, Црвените Ѓаволи не успеаа да го победат ниту последно пласираниот на табелата, тимот на Фулам...
Нова фрустрација за навивачите на Манчестер Јунајтед, нов резултат кој го одалечува нивниот тим од настап во Европа следната сезона, тимот на Дејвид Мојс одигра само 2-2 против Фулам.
Првиот шок на Олд Трафорд се случи во 19. минута кога Сидвел постигна погодок за водство на Фулам од 1-0.
Манчестер Јунајтед долго се мачеше да дојде до израмнување, тоа конечно се случи во 78. минута кога по асистенција од Мата, Ван Перси погоди за 1-1.
Само две минути подоцна Керик реализираше за комплетен пресврт и водство на Манчестер Јунајтед од 2-1.
Јунајтед имаше шанси да постигне и трет гол, но откако не успеа тоа да го направи, казната дојде во 94. минута, Дарен Бент постигна гол за конечни 2-2.
Не се гледа крајот на разочарувачките резултати на Манчестер Јунајтед оваа сезона, тимот никако не успева да влезе во победничка серија.
Претходно Тотенхем со гол на Адебајор го доби натпреварот против Евертон.
Извор: 24FUDBAL.com.mk
