Англија | Капитенот на Арсенал, Микел Артета открива дека Арсен Венгер на полувремето од дуелот со Ливерпул бил видно вознемирен, вели дека никогаш претходно не го видел стратегот толку многу бесен...
По само 18 минути игра на Енфилд во саботата, ’Топџиите’ имаа негатива од 4-0, а водоството на ’Црвените’ можеше да биде многу поголемо бидејќи домаќините имаа уште неколку добри шанси за гол.
Микел Артета открива дека Арсен Венгер на полувремето бил видно вознемирен и вели дека никогаш претходно не го видел стратегот толку многу бесен.
Шпанецот исто така ги повика своите соиграчи експресно да одговорат и да се вратат на победничките патеки веќе на средбата со Манчестер Јунајтед во среда и дуелот со Ливерпул во ФА Купот во недела.
„Веќе имавме две големи кризи“ – рече Артета.
„Мислам дека поразот од Манчестер Јунајтед беше поинаков натпревар од овој, но поразот од Манчестер Сити и овој од Ливерпул тешко се поднесуваат“.
„Затоа целиот тим мора да реагира”
„Знаеме дека мораме да се подобриме и во поинакво светло да се прикажеме на следните натпревари”.
„По само 18 минути игра губевме со 4-0, тоа беше како судар со автомобил”.
„Менаџерот беше навистина вознемирен на полувремето, и тоа е нормално бидејќи игравме далеку под нивото и перформансите што се очекуваат од клуб како Арсенал”.
„Никогаш не сум го видел Венгер толку бесен”.
Извор: 24FUDBAL.com.mk
