МЕНИ

Англија | Капитенот на Црвените Ѓаволи, Немања Видиќ преку официјално соопштение на страната на Јунајтед потврди дека ќе го напушти Олд Трафорд по крајот од сезоната...

Договорот на Видиќ со Манчестер Јунајтед истекува по крајот на сезоната, капитенот потврди дека соработката нема да биде продолжена, тој ќе бара нов предизвик во кариерата.

Српскиот фудбалер преку соопштение објавено на официјалната страна на Манчестер Јунајтед го потврди заминувањето.

„Ова е последната година од мојот договор и имав осум фантастични години тука. Периодот поминат тука секогаш ќе бидат најдобрите години од мојата кариера" - вели Видиќ.

„Никогаш не можев да замислам дека ќе освојам 15 титули, никогаш нема да ја заборавам фантастичната ноќ во Москва, спомени кои секогаш ќе живеат во мене и во навивачите".

„Како и да е, одлучив дека ќе заминам по крајот на оваа сезона. Сакам нов предизвик и да се обидам да го извадам најдоброто од себе во наредните години".

„Нема да останам во Англија, бидејќи единствениот клуб за кој сакав да играм тука е Манчестер Јунајтед и имав доволно среќа да бидам дел од овој клуб многу години. Имам неколку опции за трансфер и ќе ја одберам онаа која е најдобра за мене и за мојата фамилија".

„Сега ќе се фокусирам на натпреварите на Манчестер Јунајтед и ќе го дадам најдоброто од мене за тимот до крајот од сезоната. Се надевам дека со ова соопштение ќе ги запрам шпекулациите за мојата иднина".