Германија | Холандскиот фудбалер би сакал кариерата да ја заврши во Баерн Минхен бидејќи според него нема поголем клуб од баварскиот па тој не би можел да оди скалило погоре...



Арјен Робен е среќен во Баерн Минхен, 30-годишниот фудбалер вели дека игра во најдобриот клуб во светот и сака таму да ја заврши кариерата.
 
„Многу е веројатно дека Баерн е мојот последен клуб. Имаме неверојатен тим и среќен сум тука. Иднината изгледа светло. Сакам да освојам уште неколку титули и се наоѓам во перфектен клуб за остварување на таа цел" - изјави Робен за Bild.
 
„Плус не би можел да одам на повисоко ниво. Кога сте млад секогаш сакате да играте во поголем клуб, но нема поголем од Баерн Минхен".
 
„Веќе играв за Челзи и Реал Мадрид кога бев помлад, но сега играм во најдобриот клуб во светот и веќе не можам да одам чекор погоре".
 
Актуелниот договор на Робен со Баерн Минхен трае до 2015 година, тој и клубот се во преговори за продолжување на соработката за уште две дополнителни години.

Извор: 24FUDBAL.com.mk