Шпанија | Трансфер целта на Манчестер Јунајтед, Андер Ерера вели дека не посакува да замине од Сан Мамеш...



Минатото лето ’Црвените Ѓаволи’ се обидоа да стигнат до услугите на 24 годишниот фудбалер од средниот ред, но не успеаа да постигнат договор со Атлетик Билбао за висината на обештетувањето.
 
’Баскијците’ не беа заинтересирани за преговори и инсистираа дека треба да биде платена откупната клаузула во договорот на играчот, но Манчестер Јунајтед не беше спремен да плати 36 милиони евра.
 
Во зимскиот преоден рок името на Андер Ерера одново се поврзуваше со преселба на Олд Трафорд, но ниту во јануари не се случи ништо.
 
Во разговор со El Confidencial, Шпанецот сега сугерира дека оваа тема е затворена, и тој нема желба да замине од Билбао.
 
„Уште тогаш ставив јасно до знаење” – рече Ерера.
 
„Благодарен сум што Јунајтед пројави интерес за моите услуги и што Билбао ме сметаше повреден отколку парите”.
 
„Атлетик нагласи дека нема намера да ме продаде. Се работи за солиден клуб со добра економска позиција“.
 
„Привилегирани сме што сме дел од Атлетик. Стабилни сме од финансиска точка, високо почитувани, имаме нов стадион и одличен тим, па ниту еден фудбалер на Атлетик не сака да замине”.

Извор: 24FUDBAL.com.mk