Шпанија | Валенсија и Порто постигнаа договор за трансферот на Николас Отаменди, Аргентинецот се сели на Местаља по крајот на сезоната...



25 годишниот дефанзивец Николас Отаменди е првото засилување за ’Лос Че’ за сезоната 2014/2015.
 
Валенсија и Порто вчера соопштија дека е постигнат договор за трансфер на играчот на Местаља на 1. јули.
 
За услугите на Аргентинецот, Валенсија ќе плати 12 милиони евра, плус додатни три милиони евра во бонуси.
 
„Чест ми е што следниот чекор во мојата кариера е преселба во клуб како Валенсија” – рече Отаменди.
 
„Се работи за клуб со голема историја и еден од најатрактивните тимови во Шпанија и Европа, па среќен сум со овој трансфер”.
 
Спортскиот директор на ’Лос Че’, Франсиско Руфете рече: „Имаме одличен тим и убедени сме дека Нико Отаменди ќе ни помогне да се подобриме следната сезона, бидејќи се работи за талент од светска класа”.
 
„Среќени сме што тој не одбра нас и покрај тоа што имаше понуди од голем број на клубови”.
 
Репрезентативецот на ’Гаучосите’ ќе стави потпис на петгодишен договор со Валенсија.

Извор: 24FUDBAL.com.mk