Англија | Арсен Венгер вели дека не жали што ’Топџиите’ не успееа да стигнат до услугите на Луис Суарез и додава дека тие нема да го обноват интересот за напаѓачот...
Минатото лето Уругваецот изрази желба да замине од Енфилд со цел да игра во Лигата на Шампионите, а Арсенал достави две понуди.
’Топџиите’ се надеваа дека со понудата од 40 000 001 милиони фунти ќе активираат клаузула во договорот на играчот, но погрешија и Ливерпул успеа да го задржи напаѓачот.
Ваквиот потег на ’Црвените’ се покажа како исправен, Луис Суарез игра во импресивна форма и до овој момент зад своето име запиша 23 погодоци во Премиер лигата.
Во пресрет на гостувањето во Мерсисајд, Арсен Венгер вели дека не жали што Арсенал не успеал да стигне до потписот на Уругваецот и инистира дека ’Топџиите’ нема да го обноват интересот.
„Не жалм што не успеавме да го ангажираме Суарез” – рече Французинот на денешната прес конференција.
„Понекогаш жалите кога некој ваш поранешен играч игра добро и постигнува голови за друг клуб. Но Суарез никогаш не бил наш играч”.
„Се работеше само за можност која на крајот не се реализираше”.
Запрашан дали Арсенал би можел да достави нова понуда, тој одговори: „Во моментов немаме такви планови”.
Иако до летниот трансфер период има уште многу време, медиумите веќе шпекулираат за играчите кои ќе бидат на листата со желби.
Денешното издание на Daily Mail пренесува дека Јулиан Дракслер, Марио Манџукиќ, Един Џеко, Диего Коста и Џексон Мартинез се дел од трансфер целите.
Сепак, Арсен Венгер одби да ги коментира ваквите стории и посочи дека е фокусиран само на дуелот со Ливерпул.
„Мојот фокус е на дуелот со Ливерпул, а не на трансфер пазарот”.
„Сите имиња што ги споменавте се големи играчи, но во моментов не обрнувам внимание на трансфер пазарот”.
Извор: 24FUDBAL.com.mk
